Record of Ragnarok: Season 2

Walang balak ang mga diyos na pagbigyang manalo ang mga tao sa susunod na round; para sa susunod nilang pambato, walang iba kundi ang magiting na bayaning si Hercules.

Napansin ng mga manonood na lalong lumaki ang mga tattoo ni Hercules—at kung patuloy pang lumaki ang mga ito, masaklap na kamatayan ang kahahantungan ng bayani.

Sa huling bahagi ng 19th century London, may espesyal na kakayahan ang anak ng isang babaeng bayaran, na nakatulong sa kanyang mamuhay sa gitna ng kahirapang kinamulatan.

Kahit na wala na ang kaliwa niyang braso, nanatiling matatag si Hercules na madaling nakapagpalabas ng lakas para pakawalan ang ultimate move niya na Twelfth Labor.

Nasagad ang lakas ng dalawang mandirigma sa marahas na ikaapat na round; nang itanghal ang nagwagi, walang nagsaya o nagbunyi.

Para masiguro ang panalo ng sangkatauhan, dinalaw ni Brünnhilde ang dambuhalang si Tameemon Raiden, ang pinakamalakas na sumo wrestler sa buong kasaysayan.

Sumalang sa sumo ring ang God of Destruction, ang Destroyer na si Supreme Lord Shiva para tapatan si Tameemon Raiden.

Noong unang panahon, maraming masasayang pinagsamahan si Shiva at ang kaibigan niyang si Rudra. Hanggang isang araw, niyaya ni Rudra si Shiva na abutin ang pinakatugatog.

Noong bata pa si Raiden, itinago niya ang buo niyang lakas para hindi siya makapanakit ng ibang tao. Pero ngayon, para manalo sa laban, kailangan niyang ilabas ang lahat.

Nakakaantig ang pagtatapos ng laban. Kahit si Zeus, napahanga sa tibay ng loob ng sangkatauhan; pero sisiguruhin niya na ang mga diyos ang magtatagumpay sa huli.

Habang dikit ang laban, nagpasya si Buddha na sumabak na sa susunod na round—pero sa kaninong panig kaya siya kakampi?

Apektado si Zerofuku sa dami ng pasakit na tinitiis ng mga tao, kaya inako na lang niya ang lahat ng pagdurusa nila pero hindi pa rin ito sapat para matapos ang problema.

May isang prinsipeng isinilang sa labis na karangyaan at binigyan ng pinakamagagandang bagay sa mundo. Pero isang araw, iniwan na lang niya ang lahat ng ito.

Walang nakakakilala sa kakaibang nilalang, pero hindi maikakailang napakalakas niya. At ang nakakabahala pa, hindi mahulaan ni Buddha ang galaw ng bago niyang kalaban.

Mukhang tapos na ang laban. Pero bigla na lang bumangon si Buddha, na mukhang mas malakas pa kaysa dati. Makaani kaya siya ulit ng mahalagang puntos para sa mga tao?