Mr. & Mrs. Smith: Season 1

Kilalanin ang mga Smith, sina John at Jane, isinuko ang kanilang pagkakakilanlan para pagtambalin ng isang sikretong organisasyon sa pag-iispiya at kasal. Samahan niyo sila sa pagtakbo, paglundag at pakikipagsapalaran, pakikipagkaibigan at sa paggawa ng mga alaala. Ngunit, may kakaiba sa kanilang pinakaunang misyon. Ito ang UNANG DATE nina John at Jane! Good luck, John at Jane!

Bihis na bihis si John at si Jane para pumunta sa isang nakakatakot na black tie event. Pero bago yun, kailangan muna ng mga Smith ng batas sa bahay: WALANG S-E-X. Pero nang ginulo ng kanilang tusong target na si Eric Shane ang mga bagay-bagay, makayanan pa rin kaya nilang ayusin 'to sa bandang huli? Ito ang PANGALAWANG DATE ni John at Jane! Bark bark.

Sa townhouse nila sa New York, sa loob ng kuwarto, sa maniyebeng dalisdis: laging nagsasaya sina John at Jane. Papunta sila sa Italian Dolomites. Makahanap kaya si John ng bagong libangan? Magkar'on kaya ng bagong kaibigan si Jane? Mag-aalala na ba sila para sa isa't-isa? John at Jane, oras na para sa UNANG BAKASYON niyo! Tandaan, sobrang hindi matutuwa ang boss kapag pumalpak kayo uli.

Hindi lang si John at Jane ang mga Smith na nagsasaya. Ngayon makikilala niyo ang iba pang Jane at John, isa pang pares na mga Smith, yun nga lang SOBRANG delikado sila. Pero magkasundo kaya ang samahan ng dalawang magkapareha? Doblehin ang saya at kalokohan! Ito ang DOUBLE DATE ng mga John at Jane!

Tag-araw na, hindi makapaghintay sina John at Jane na magsama uli. Samahan niyo sila sa magandang Lake Como, sa pagmaneho ng mga kotse, sa pag-iwas sa masasamang tao, at sa paghabol kay Toby na naglagay sa kanila sa alanganin dahil sa kanyang mga gawain. Pero habang inaalagaan nila ang batang mama, hindi mapigilan ng dalawa na mapaisip, John at Jane, GUSTO NIYO BANG MAGKAANAK? Mamma mia, Toby!

Naku, John. Naku, Jane. Naghirap ang pares na ito sa pamamahagi at pag-alaga. Kailangan nang humingi ng tulong -- John at Jane, humanda kayo para sa: COUPLES THERAPY, masaya ito!

Sinabi ni Hihi kay John at Jane na bigyan muna nila ng espasyo ang isa't-isa. Madalas samahan ni John ang kanyang bagong kaibigan na si Bev. Pero paano na si Jane? Kalimutan kaya ni John ang lahat ng masasayang samahan nila? Kawawang Jane! Napakapilyo ni John! Paano malalagpasan nila John at Jane ang PAGTATAKSIL!

Nagpapahinga muna si John at Jane sa isa't-isa. Magagawa kaya nilang humingi ng kapatawaran o ito na ba ang katapusan ng kanilang pagsasama? Kumuha na kayo ng tisyu John at Jane, HIWALAYAN na ito. Kaya nga lang ngayon, buhay at kamatayan ang nakasalalay. Huwag kayong masyadong madrama!