Jentry Chau vs the Underworld: Season 1

Habang nagbe-birthday sa Korea, na-realize ni Jentry na nakakapagpalabas pa rin siya ng apoy sa kamay niya—at isang malupit na demon ang gustong kumuha sa kaluluwa niya.

May mga hindi inaasahang bisita mula sa portal ng underworld sa Texas. Mas mahirap ang unang araw ni Jentry sa Riverfork High School dahil sa nagliliyab niyang sikreto.

May mga pangitain si Jentry na mukhang tungkol sa nakaraan... pero saan kaya nanggagaling ang mga ito? Nag-training para sa isang bagong skill ang determinadong si Gugu.

Sumama si Ed sa field trip sa Alamo, kung saan napasobra ang nakakatakot na re-enactment ng tour guide sa sikat na labanan.

Nang mapalapit sila kay Jentry, pinag-isipan nina Michael at Kit kung sino sila—at ang talagang gusto nila sa buhay. Isang bagong mukha ang gumala-gala sa hall ng school.

Deep-fried snacks, sikretong Daoist magic market, at higanteng demon? Nauwi ang State Fair sa malalaking problema sa Texas—pagkalaki-laki.

Habang binabantayan ni Ed ang portal sa kabilang-buhay, inakay ni Gugu si Jentry sa mapanganib na gitnang lugar na makakasagot sa mga tanong tungkol sa nakaraan niya.

May plano si Jentry para maalis ang kanyang powers at magbalik sa normal ang buhay niya. Pero kailangan niya ang tulong ni Kit.

Nagbalik na sa normal ang buhay ni Jentry, pero kabaligtaran ang nangyari kay Michael. Sa Spirit Week, may mga naging maemosyon—at may pasabog sa field.

Nagbanggaan ang makakalabang puwersa at nagkagulo sa Riverfork, lumitaw ang demons sa Homecoming game, at nanganib ang buong bayan.

Isang buwan matapos umatake ang demonyo, pumuslit sina Jentry at Ed sa Diyu para sa mahalagang family business. Pero parang magulo sa lugar na napuntahan nila.

Sa tulong ng mga alaala ng kanyang ina, sinubukan ni Jentry na mabawi ang panahong nagkahiwalay sila. Naghanda naman ang mga estudyante na mag-overnight sa paaralan.

Umabot sa sukdulan ang tensyon sa Riverfork High nang lumusob sa party ang demons, kaya napilitan si Jentry at ang mga kaibigan niya na lumaban para makaligtas.